Hier soir ti ena dinner familial kot mo soeur a flic-en-flac, tou banes tontons, ma tantes, cousins,cousines, névés, nièces ine persser, mari seryé. Mo pren plaisir ek mo banes ma tantes, mo dire zott kan nou ti tipti nou ale fer banané kot nani et la fin la soirée kan tou fami alé, sakene done so kamarade ene ti cado mais aster vu ki zot tou ine vine banes seniors citizens avant zot allé mo pou donne zot ene paké omega 3 , calcium, ene voucher pou re-alle fer zot fausse dent kot dentiste, ene massaze pou zot lartrite, implant sévé tou sa la...lol zot fine bien riyé
Mami Yo ine gagne sommeil lor sez après line tape 2 whisky. ene kout li appel mwa li dire moi;" Rode ene mari pou moi", mo dire li si li oulé ene ki blond li avec lizié blé, li reponne mwa: "mo pa bizin étranzé, morisien meme gagné blond aster, zot teine zot sévé". I have always had a soft corner for her, she has always been hilariously funny and a real force of nature.
Bannes névés, nièces fer zot ti groupes apart sakene dans ene coin lakaz pou koz copains/copines. Mo mama, ene sel kou ine gagne la force, li galoupe partout li guetté si tou dimounes ena so verre ou bien fine manzé. li partout a la fois,li dire moi, ale serss sa, passe sa gajak la, demanne tonton ki li pou boire, mwa mo kouma dire au milié ene cyclone.
Ena oussi banes fami ki kouma zotte arrivé zot dire Nou pa pou tro tardé, ena ene longue la route pou kondir dan nwar apres. Normal, zot meme ki bane derniers pou kite fête...lol
Tou dimounes koz fort, raconte zistwar kan nou ti tipti kouma Malini ti brigand et ti fer nou avoye kout rosse lor maraz so la tete pou l'enterrement nana, kouma li ti pe louk mamoo sanju et avoye tiping lor li dans la salle de bain kan li pe baigner. Mawsa Anand ine sou nette après li dire bizin garde 'parampara' dan fami, nu bizin kontinyé zwenn kum sa.
Mo fami, mo fami oh, zott tro komik et mo bien kontan zott
No comments:
Post a Comment